شخصيات الاولاد والبنات من اسمائهم .. بس بلييز بدون زعل ..

الذكور:

فهد : ولد يطلع زين وش حليله بس انه برباره يعني كلامه واجد
عبدالله : هذا عله باطنيه مثل ما يقولون , اذا استلمك بالنصايح والكلام تروح فيها وتصدع , وغالبا عنده عقده , وشعره عراده
عبدالعزيز: هذا ما فيه عنده نص , اما شين وداشر والا زين وخاثر
محمد :نصاب بخفة دم بس لو تشكه شوكه راح لامريكا يعالج من التهويل اللي فيه
خالد : مؤدب , ويسمع كلام اهله وما يتاخر عن البيت وزين
سعد : طبعا الاسم معروف انه اسم قرد , لكن يمتاز سعد بالرشاقه وخفة الدم اللي مثل العسل
ناصر : نصااااااااااب , ويمدح نفسه واجد وفيه شوي حقد
راشد : نفسه شينه بقوه ودايم يتلطم , مدري ليه ؟!!!!!
صالح : اسم مهبول , تلقاه معاكس اسمه واحيانا عليه قل صح
احمد : يلبس نظارات دايم ويذاكر واجد وغالبا شكله زين
سامي: فيه شوي نجاسه ويستخف دمه دايم مع ان عليه طلعات مهيب شينه
عبدالرحمن : جلف
عادل : على باله انه فاهم ويسوي حركات ماهو قدها ويورط
سليمان : كبير حتى لو انه بزر , مكبر نفسه ابو الشباب
حسن : شين بس دمه خفيف راعي طلعات قويه
نواف: نفسه بخشمه وشايف نفسه على انه زين وهو مقشع
وائل : عامل نفسه مثقف وهوا ما من ثقافه
نبيل : يصير اسمر دايم ويبي يزين عمره بالقوه , ما يتعدى الحلاقين
جمال : مطيع ومؤدب ويسمع كلام امه
نايف: دايم يميل العقال على جنب , وما عنده ما عند جدتي

=====
الاناث:

نوره : عاقله وثقيله وتحل محل امها وهي اللي تصلح القهوه لابوها بس انها شينه
منيره : سكتم بكتم , مالها حس اكثر وحده مظلومه في خواتها
حصه : قشراء الله يكفينا الشر , لو تناظر فيها طبت ببطنك و هي عموما شينه
فاطمه : زينه بس معقدها اسمها شوي وتحاول تتجمل قدام البنات اللي ما يعرفونها بتغيير الاسم
مها:دبيبه وجميله وسواليفها خاثره ويحبها ويموت فيها المرسل
هيا :شيطانيه ومليقيفه , متوسطة الجمال
لطيفه : محبوبه من اللي حولها لخفة دمها , غالبا تصير دبدوبه شوي
امل : غثيثه من جد وفيها لقافه زايده
هيفاء : وش كبرها بس عقلها عقل بزر
اماني : مملوحه كأنها من ممثلات الهند
تهاني : دابه سليمه مثل ما يقولون , مالها رأي
الجوهره او جهير : تجي دبا ودبشه واحيانا خبيلاء على دلاخه وثقيلة دم وسخيفه
فوزيه: دمها عسل وعصلا ومملوحه
هيله: عاقله ولا تتكلم الا للضروره , هاديه بطبعها
نوف: حلووه , وفكرها عالي , بس شايفه نفسها
رانيا : هادييييييييييه ودلاختها قويه يعني ما تتكلم بس اذا تكلمت جابت العيد منال : ثقيله ومثقفه وفكرها راقي
العنود : طويله وما تجلس بمكان واحد اكثر من خمس دقايق , ما غير تدور من زود اللقافه
مضاوي: هذي مدلعه عمرها بقووه . فيها لمحه من جمال بس البنت آخر شياكه
سهام : عاقله ومخها نظيف ( ماشاء الله ) بس عليها طلعات تكارنه احيانا بس اشوى ان هالطلعات نادره
وفاء : غالبا تكون حلووووه , وبنت حلال يعني حبيبه
ملاك : دلوعه وهاديه بس تجيها ام العبيد احيانا ويطلع لسانها الطويل سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ
ديما: قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل ..
رشا: ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ..
روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها
ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ ..
رنا: حلوه .. حنونه .. و تحب الناس .. اجتماعيه .. واجتماعيتها ذي تسبب لها مشاكل ...
رانيا : دلوعه .. ويعتمد عليها .. بس مشكلتها انها ثقيلة دم ..
سلوى: قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ ..
لمى : حبوبه .. مزيونه .. قلبها طيب .. مطيعه .. الى ما لا نهايه : )
سعاد : من اسمها باين انها قشراء وشيطانيه بس حلوه ولا هي مهتمه بنفسها
دلال : اما شرانيه واما طيبه ما فيه نص
بدريه : تطلع حلوه وحبوبه بس فاهيه شوي
لولوه او اللولو : دبيبه وقصيره ومحبوبه من الجميع لطيبة قلبها
افنان : شعرها عراده ولاعبه فيه بالاستشوار شوي ويحترق , تحب تتجمل قدام الناس
دانه : حلوه بس ما تعرف تكشخ مثل البنات , يعني انواع الالوان في الفستان الواحد . وقصات شعرها دايم تفشل
سارة: محبوبه .. ذكيه .. طموحه .. عنيده ..و مزعجه .. مزيونه .. قلبها طيب
شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه ..
شريفه: خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. ( عسكريه )
شوق : رقيقه.. و تحب تثبت نفسها .. خواااافه ..
عبير: مجتهده و شاطره .. و حبوبه و دلوعه .. غامضه .. بس مشكلتها انها متهوره ..
عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها ..
عزيزة: مخلصه .. رزينه .. ثقيله .. وثقيلة الدم ..وغالبا ماتكون مصريه او داخل فيها العرق المصري ودبدوبه
لمياء: محبوبه .. تحب تبني صداقات .. و دلوعه . و ياويله اللي اذا طلبت منه شي و لا جابه لها ..
ياسمين : قلبها طيب .. خدومه .. مزيونه .. لكنها متهوره ..
ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها ..
بدور: مثل اسمها حلوه و مزيونه و خجوله .. بس ياويلك منها اذا سويت فيها شي ..
بشرى : تحب تثبت نفسها .. ذكيه .. تحب الناس .. غامضه ..
بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط عليها .. تفرش خامسينه بالأرض ..
جميله : اسم على مسمى لكن ان ما طلعت زينه مره تطلع شينه مره
مرام : سمراء ومملوحه وهاديه °ˆ


يلاا كل واحد يطلع اسمه ويقول شخصيته
من مواضيعه في المنتدى

0 شخصيات الاولاد والبنات من اسمائهم .. بس بلييز بدون زعل ..
0 أسماء بلوتوث .. رووعه لا تفوتكم

يعطيك الف الف عافيه
يالغالــــــــــــــــــي

شكرا