مشروووع افاق ..هام جدا..ارجو الكل الدخوول

السلام عليكم ورحمة الله وبركاته....

شحالكم ؟؟؟ وعلووومكم عساكم مرتاااحين ؟؟؟

سمعتوا عن تخريج مشرووووع افاق ...
اذا ماسمعتوا بخبركم عنه .......
طبعا الحفله كانت ف مجمع الثقافي ف راس الخيمه 28/11/2007وحضر فيه ..
(الشيخ سعود بن صقر القاسمي)وضباط ومجموووعه من كبار الشخصيااات وطبعا مصوريين وصحفيين والاباء والامهات الطالبات مشروع افاق..

انزين سمعوا اللي عقبه ... دشيت القاعه لاتظام ولاترتيب ولاشي اونه حااطين مجموعه من الشباب والشابات لتنظيم الطالبات والمكان معفووووس عند الممرات ماشي مكان تمشووون فيه والمنظمين يصارخووون ويقووولون حق البنات ((ايه ايلسي ولااطلعي برع))يعني ماشي ذوق ولا احترام والبنات مسوين حشره جنه ف العرس...

انزين نكمل ... عند دخووول الشيخ سعود الله يحفظه لنا ومجموعه من الشخصيات الحمدالله الكل سكتوا ((ماشاء الله عليه )) والقينا سلام الوطني وسمعنا الترحيب من طالبه (( فلانه 1)) وبعض من الاخوان والخوات ..ووجهن بعض الطالبات شكر للوالد ..والقت (فلانه 2) اغنيه بعنوان (شكرا)
الصراااحه تسلم عالصوت الجميل ..

انزين نكمل ..
وبعد ذلك قام الشيخ بتكريم الطالبات المتميزات وتصوير معهم صوره تذكاريه عالمنصة المسرح...وبعد ذلك كرم الشيخ من قبل الطالبات مشروع افاق ...

نكمل..((جزء هااااام والاهم)))
بعد التصوير واليووله ..نحن نتريا متى بنستلم شهايدنا من سمو الشيخ وكان خاطرنا ان ناخذ الشهاد بايده ونسلم عليه ونشكره بس للاسف الشيخ والمصوريين والصحفيين وكل رجال الشخصيات اطلعوااا ظهروا من القاعه ...
قام الدكتور معاذ المطووع بتكريم الطالبات جزء الاول وهم ((خدمة العملاء))حوالي 250 طالبه ..ونحن نتريا ياااله والقاعه معفوووووسه عالاخر والطالبات معصيبن عالاخر ((يعني نحن عيال بطه السوده ))
لااهتمام ولاشي بس حق البنات المتميزات كل شي ونحن ولاشي ..
ونتريا نقول الله كريم دووورنا ياااي .. والمسرح زحمه ((جنه ضرابه))

تدروووون ((فلانه 1 )) شو سوت ..اونها عاد مسويه عمرها وحده شي شي ...وهي ولاشي
نزلت من المسرح وتمت تصارخ يوم الدكتور كانت يتكلم ((يعني من احترام والذوووق المفروض تحترم الدكتووور)) ... ماقالها شي بس قالها (( يابنت عيب )) بعد ماقالها جذي البنت اختفت موووول ماحصلللناها ..

وفالاخر وفووووق كل هذا (( مااستلمنا شهايدنا))
وقالولنا اللي يبا شهادته يسير الدائره الاقتصاديه ويستلم شهادته ((الله فضيحه نحن سايررين حرب مب الحفله ))

يعني نحن عيال البطه السوده ((ياريت ماسرنا الحفل ))
بس عازمينا عسب نحصل زفه من ورا الطالبات التنظيم

شورايكم فوووق هذا كله؟؟؟ ابا الصراحه والرد لوسمحتوا؟؟

السلام عليكم ورحمة الله وبركاته

اول شي مبروك على التخرج

موضوعك مهم واتمنى من المنظمين في المرات القادمة ان يكون التنظيم أفضل

الله يعينك

شعور مب حلو ما تاخذ الشهادة من الشيخ

دعواتي لك بالتوفيق