الفرق بين هوشه بنات مدارس الخاصه والمدارس الحكوميه

بنات الخاصه :

طبعا بنات الخاصه هوشاتهم ماتتعدى الكلام

كل وحده تخاف على تسريحتها لاتخترب يااااااااااي هههههههههههههه

والميك أب لايسيح وبلوزتها الماااركه لايصير فيها شي << ياااااااااااااااي

نبدا مع الآنسه ريري : أنتي من سمح لج تقولين أسراري لصديقاتج ؟؟

فوفو: انتي اللي بديتي يافتانه ..

ريري : ماتوقعتج جذي ياحقيره << مسبة بنات الخاصه الشهيره

فوفو : انتي شلون تتجرأين تقولين لي هالكلمه .. قلبي ويهج يالجيكره

ريري : أنا جيكره ياأراقوز <<< اووووووف عصبت البنت

فوفو : أنتي الأراقوز يالعيوزه ياللي ماتعرفين تلبسين.. شوفي بلوزتج يااااي صج مالها شغل

ريري :خلاص روحي عني لاتكلميني أنا صج معصبه << قفل مزاجها

فوفو: ياجبانه هههههههه يامسكينه دايمن تضحك علينا وتقول لبسها كلا ماركه كشفتها الجذابه << صارت الهوشه

وتقوم ريري وتكت الببسي على فوفو << أوف خطيره

والبنات كلهم بصوت واحد يااحرااااااااام تسريحتها خربت ..

وبعدين كل وحده تاخذ لها زاويه وتقعد تبجي ولا راحت البيت تكملها في حضن ماما



= = = = = = = =



بنات الحكومه :

طبعا أمة محمد تجتمع ويشتغل التصفير والتصفيق وحـــبـتــين وكل وحده معاها فزعه ولاهوشات العيال بالفريج

فطوم :هدووني عليها والله لاخذ حقي منها والله لربيج يا......

مريومه :والله شكلي أنا اللي بربيج ولو بنت أبوج صج مدي إيدج والله لكسرها لج

فطوم :مايابتها أمها اللي تكسر ايدي .. هدوني عليها

ويبدا شد الشعر والترفس وكل وحده تسدح الثانيه والشعب يصرخ << عااشت فطوم طقيها .....

وتطلع أنوااع الكشش واللي شعرها يعد الله يعينها تحاول تربطه بشتى الوسائل والطرق بس مافيه أمل

وساعات توصل للرضوض والجروح والأبله اللي مستغنيه عن مستقبلها المهني تفكك بينهم

وبعدين ياخذون زفه من المديره بالطابور
وكل وحده فيهم شاقه الحلج وتضحك وتحيي الجماهير الغفيره اللي شافت الهوشه