ما الفرق بين الريال الأتيكيت والريال الدفش؟؟!!
الريال الأتيكيت:
يستخدم ألفاظ مناسبه في الوقت المناسب
وكلامه يكون واضح و مفهوم...
الريال الدفش:
يدخل السوالف في بعضها وما تعرف شوه
يقول بالضبط وعن امنوه يتكلم...
الريال الأتيكيت:
يوم يشوف وحده في أي مكان يخليها
اتطوف قبله من باب الأحترام...(laidies First )
الريال الدفش:
حتى لو كانت البنت واقفه قبله يحاول
أن يسبقها ويمكن يدزها بعد...
الريال الأتيكيت:
يوم يكشخ بكندورته وغترته (طبعا نفس اللون)
ويتعطر بعطر رجالي هادي...
الريال الدفش:
الكندوره في صوب والغتره في صوب والنعال
في صوب ويتعطر بعطر حريمي بعد...
الريال الأتيكيت:
عقب ما يتغدى أو يتعشى ينش يغسل ايديه
بالماي والصابون...
الريال الدفش:
ما يكلف على عمره حتى يآخذ كلينكس
أقرب شي( الوزار)....
الريال الأتيكيت:
يوم يعزم ربعه يعزمهم في مكان راقي
أو في ميلس بيتهم...
الريال الدفش:
يعزمهم على شبس وعصير وشاي كرك
عيل ليش تعزمهم ههههههاي...
والسموحه ع القصوووور
موضوع: ما الفرق بين الريال الأتيكيت والريال الدفش 
الإثنين فبراير 11, 2008 8:42 am
